Хөөрөг

Уулзан золгохдоо vнэт чулуун хөөргөө зөрvvлж амар мэндээ мэддэг монголчууд бид хөөрөгнийхөө тухай аль зэрэг мэдэх билээ. Энэ тухай хэвлэгдэн гарсан ном, товхимол бараг байхгvйтэй адил бөгөөд ямартаа ч тvvний гарал vvсэл, тvvхийг ярихын тулд хамрын тамхи дэлхий нийтэд хэрхэн тархсан тухай яригдах болдог. Мөн хөөрөг зөрvvлэх ёс заншил, тvvнтэй холбоотой зан vйл, бусад зvйлсийн талаар vл vгvvлэн монгол хөөрөгний тухай зарим санаа бодлоо өчье.
Өөрт олдсон материалуудаас vзэхэд монгол хөөрөг хийц загварын хувьд хятад юм уу бусад улсын хөөрөгнөөс ялгагдах онцлогтой болсон байдаг. Интернетэд байрлуулсан байгаа хятадын болон өвөрмонголын музейн vзмэрvvд, vнэт зvйлс цуглуулагчдын цуглуулга, гадаадын дуудлага худалдаанд орсон хөөрөгнvvдийн зургыг харахад ийм сэтгэгдэл аяндаа төрнө. Монголчууд өөрийн нутагт байдаг хагас vнэт, гоёл чимэглэлийн чулуунуудыг хөөрөг хийхэд өргөн ашигласан байдаг. Yvнд чvнчигноров, гартаам, мана, хаш зэрэг олон төрлийн чулуунууд орох бөгөөд сvvлийн vед манайд байдаггvй чулууг авчруулан хөөрөг хийлгэх болсон байна. Жишээ нь Якут, Эрхvv, Чит мужийг дамжин урсдаг Чара голын нэрээр нэрлэгдсэн өөр хаана ч байдаггvй чароидаар хийлгэсэн хөөрөгтэй хvний тоо лав хэдэн арваар тогтохгvй.
Монголчууд хөөрөгний толгой өндөр байх тусмаа сайн гэж vзэх бөгөөд ихэвчлэн шvрээр хийнэ. Сайн чанарын шvр нь ховор хаана ч гэсэн vнэ ихтэй байдаг болохоор толгой нь хөөрөгнөөсөө илvv vнэтэй байх нь элбэг. Сvvлийн жилvvдэд манайхны хийж буй хөөрөгний хийц, чанар ихээхэн сайжирсан ба энэ ажилд залуучууд мэрийн ажиллаж байгаа нь сайшаалтай. Сонирхуулахад 1991 онд С.Цэрэнсvрэн гэдэг хvн «Хөөрөг ухах арга» нэртэй бvтээлээр шинэ бvтээлийн улсын бvртгэлд бvртгvvлсэн байдаг юм байна. Томъёолол нь: «Хөөрөг ухах аргын ялгаа нь өнгөлгөөг жигдрvvлэх зорилгоор засч өнгөлсөн хөөрөгний чулуунд алмазны хошуугаар өрөмдсөн нvхний голд төвлөрч, алмазан нударгаар ханыг зvлгэж ваарлан нимгэлнэ.»
Дашрамд дурдахад хvмvvсийн дунд хуучны хөөрөг худалдан авахаасаа илvv шинээр хийлгэн, vр хvvхэддээ өвлvvлэх хандлага бий болсон нь дэмжvvстэй зvйл бөгөөд дэлхийн олон оронд vнэт эрдэнийн зvйлсийг бэлгэнд авах юм уу өв залгамжилж авсан тохиолдолд л тэр хvндээ хамгийн сайн нөлөө vзvvлдэг гэсэн яриа байдаг нь оргvй зvйл биш байх аа.
Тус хуудсанд яваандаа олон сайхан хөөргнvvдийн зургыг байрлуулж, хөөрөг бvтээгч дархчуудын танилцуулга, бvтээгдэхvvн зэргийг сурталчлах төлөвлөгөөтэй байгаа ба энэ талаар та бvхнийг бидэнтэй хамтран ажиллана гэдэгт итгэлтэй байна