Бид та бүхэндээ бэлхүүсээ хэрхэн гоолиг нарийхан болгох дасгалыг санал болгож байна. Гоолиг сайхан биетэй болохыг хүсэж байгаа охид бүсгүйчүүд та бүхэн дараах дасгалыг заавал хийгээрэй.
Нуруугаараа эргэх дасгал
Энэ дасгал бэлхүүс чангаруулдаг юм. Эхлээд та нуруугаа цэхлэж зогсоод саваа модны үзүүрээс атган гараа сунгана. Дараа нь саваа модоо атгасан чигтээ гараа толгойныхоо ард авчирна. Эхлээд баруун тийш аажуухан зөвхөн бэлхүүсээрээ эргэж, буцаж хуучин байрлалдаа орон бэлдэх байдалд орж зүүн тийшээ эргэнэ. Энэ дасгалыг зүг зүг лүү 25 удаа давтаад хийгээрэй.
Ташаагаа өргөх дасгал
Хэвлийн дээд булчин чангаруулах энэ дасгалыг шалан дээр хэвтэж хийнэ. Эхлээд хөлөө өвдгөөрөө нугалахдаа хөлийн тавхайг шалнаас хөндийрүүлэхгүйг мартуузай. Ийнхүү бэлдэх байдалд орсны дараа өгзгөө шалнаас хөндийрүүлж, ташаагаа аль болох өндөрт өргөхийг хичээх хэрэгтэй. Дараа нь буцаж бэлдэх байдалд орж дасгалыг дахин 12-15 удаа давтан гүйцэтгэнэ.
Хөлөө өргөх дасгал
Энэ дасгал нь хэвлийн доод булчинг хөгжүүлдэг бөгөөд та хэвтэж байгаад хөлөө шулуун дээш өргөн шалтай перпендикуляр түвшинд барина. Хэсэг хугацааны дараа хөлөө буулгаж амраагаад дахин үргэлжлүүлж, 12-15 удаа давтан хийнэ.
Та энэхүү цогц дасгалыг долоо хоногт гурван удаа буюу дундаа нэг өдөр завсарлан өглөөний цайны өмнө хийж заншвал бүсгүй та эерэг өөрчлөлтийг мэдрэх болно
Subscribe to:
Post Comments (Atom)
No comments:
Post a Comment